熟我既朋友都會問我：「點解要放棄自由意志呢個Project 吖，今年成績很不錯呢。有少少成績先放棄，好浪費啊。」然而，我自己都係咁諗。
·
其實，當初我係抱住同MJ夾咗第二對樂隊嘅心態去做，做樂隊就係無條件付出唔會有太多計算，音樂帶給我嘅衝擊同埋快感就是最重要，這個Project 曾經帶到俾我哋好多熱血嘅衝擊、開心既畫面。
·
入咗行10年⋯一直要學習拎得起、放得低。陳蕾、MJ、Leanne 、Tom 四人陣容的「自由意志」曾經也盡了力，問心無愧便好了。
·
接下來未能夠繼續以「自由意志」嘅方式合作下去，確實係有點可惜，但最緊要嘅係，我們四位繼續相信自己行嘅路，做自己喜歡嘅事情。如今再不是「自由意志」的同路人，但在生命當中也必繼續是同路人。
·
陳蕾 - 感謝你的創作，令我在最失意嘅時候對音樂搵返一團火。
·
MJ - 盡在不言中了，個天一直俾我哋好多考驗我哋。我還是覺得我哋一定可以捱得過。
·
Leanne - 多謝你呢兩年無條件咁支持我們，支持我們相信嘅事情，辛苦你了，這兩年真的辛苦你了。
Search